Septemba Mosi

Furaha ya kupiga hatua kubwa kwenye maendelezo, hasa usafirishaji wa ardhini kwa njia ya kisasa. Ilitumbukia nyongo baada ya safari ya uzinduzi wa treni ya umeme ya kisasa kuanza. Ikiwa ni siku muhimu sana kwa nchi nzima.  Habari ikafikishwa treni nzima ilitegwa bomu la kisasa, lililounganishwa kwenye mfumo wa umeme wa chombo hicho. Ikitokea kama ikasimamishwa, kupunguza mwendo au kuongeza zaidi ya uliyopo.
Basi hakuna ambaye angesalia  mule ndani.  Rais wa nchi nzima alipewa masharti kadhaa ikiwemo kumwachia huru mhalifu hatari sana, ambaye kashikiliwa na majasusi wa EASA na kufungwa au kutolewa kwake wao ndiyo wenye amri pekee. Sheria ya kuundwa kwa shirika lile la majasusi, iliweka wazi hakuna Rais wa nchi mwanachama wa Afrika ya mashariki aliye na mamlaka ya kuingilia operesheni zake