Operesheni Nyeusi

Biashara haramu ya uvunaji wa viungo vya binadamu na kuviuza, inashamiri nchini Tanzania. Ikifanyika kwenye hospitali na wengine ni wataalamu wa afya wakishiriki zoezi zima kwa manufaa ya wachache. Watu walifikia kuvuna viungo hivyo pasipo kuwashirikisha ndugu, au mtu mwenyewe kuacha usia afanyiwe hivyo mapema kabla hajafa.  Suala hilo linashindwa kufumbiwa macho na EASA, wanaamua kumwita Norbert Kaila mwenye utambulisho N001 kijasusi.
Wanampatia jukumu la kuchunguza mtandao mzima na arejee na majibu. Kuanzia wahusika wote ni kina nani na pia wachukuliwe hatua.  Inambidi Kaila kuingia kazini kuchunguza ndiyo huko alipokuja kubaini biashara ile ilishikiliwa na wazito. Pia kuna sakata jingine la kitambo lililotokana na wazito hao, waliyojua limeisha kumbe walitafutiwa nafasi ya kufanyiwa kisasi kwa waliyoyafanya miaka hiyo.