Romein van die Timbavati

Wat het Dr Hein Kaiser, eienaar van die groot 5 plaas Ndlofumatlapa in die Timbavati besiel om die rou Italianer, Stefano Bettini, bos toe te laat kom? wonder Andrea. Hy is so onbeholpe, die leeus vreet hom binne die eerste drie dae op as sy hom nie op pas nie! Hy praat nie Afrikaans nie en verstaan niks van die Afrikabos af nie. Boonop maak hy dit van die begin af duidelik dat hy net tydelik op Ndlofumatlapa is.
Hoe verduidelik sy dit aan haar simpel hart, wat soos 'n slap jellie aan die dril gaan as die man net naby haar verbystap?