Clarissa 6: Reisjoernaal

Agtergrond: Vir die wat nie na die eerste vyf volledige boeke Clarissa Clairvoyant, of haar korter verhale uit die verlede geluister het nie (Op die youtube kanaal Afrikaanse liefdesverhale en stories / youtube) Clarissa het 'n gawe, 'n sesde sintuig. Mense wat reeds aanbeweeg het, of iewers in limbo vasgekeer sit, maak soms met haar kontak. Of sy sien hulle, hier tussen ons. Dit is dikwels mense met onafgehandelde sake of mense wat onregverdig of onder vreemde omstandighede hulle liggame verlaat het.
Soos Diana Croxley, die vrou in die water wat in Marlothpark verdwyn het. En nou is Clarissa self in die moeilikheid en sy weet dit nog nie. Daardie hou met die klip teen die bokant van haar slaap het meer skade veroorsaak as wat sy haarself kan indink. Daar is een persoon wat haar kan help. Dokter Charl Renard wat 'n breinspesialis is. Intussen het sy 'n reisjoernaal present gekry by iemand wat daar agter op 'n muur gesit het by Charl se nuwe huis in Hectorspruit.
Die reisjoernaal van Katherina Retief, wat in 1918 Parys toe is as agt en twintigjarige om te gaan kuns studeer en nou in 1925 as vier en dertigjarige terugkeer Afrika toe, omdat haar willewragtig van 'n pa, Hermanus Retief van die aardbol af verdwyn het. En sy is die enigste een wat hom wil gaan soek. Die ander het reeds opgegee om hom te vind.