Ar c'horonal ne skriv den dezhañ

Eil romant ar skrivagner brudet eus Kolombia eo al levr-man, hag e oberenn wellan gouez da dud 'zo, evel Mario Benedetti, pe Gabriel García Márquez e-unan. Emeur e 1956, en ur gêriadenn war an aod e Kolombia. Bep Gwener ez a ur c'horonal kozh disoudardet d'ar porzh, da c'hortoz keloù eus ul leve en devoa goulennet abalamour d'ar servijoù en devoa met er brezel diabarzh. Padal ne zeu lizher ebet digant ar gouarnamant, hag e chom nebeut a beadra gant an tiegezh.
Direizhded, feulster ha digenvez, met dreist-holl hiraezh ha hirder an amzer a dremen, setu dodennoù al levr. Savet eo ar skrid en un doare eeun ha diginkl, kontrol d'an doareoù barok a c'heller kavout e oberennoù all ar skrivagner.