Une Epistre a Eustace Morel. Manuscrit Harley 4431

A trés expert, en sens appris, Eustace Morel ou a pris, De Senlis baillif trés nottable, Orateur de maint vers nottable. Ta grant valeur en moy a mis Le vouloir, chier maistre et amis, De cestui mien epistre en vers T'envoyer, non obstant qu'envers Ton fait riens ne soit, bien le say ge, Mais comme nous lisons : le saige Enseigne aux disciples a prendre Amistié aux sages, se apprendre Desirent et pour tant en voye, M'a mis ton sens que je l'envoye. (Une epistre a Eustace Morel, tout de rimes equivoques).