Las memorias de Sherlock Holmes

Qual coneis pas Sherlock Holmes ? Val pas mai la pena de lo presentar. Lo personatge de ficcion, tant es vengut la referéncia dels detectius en lucha contra lo crime, que d'unes pensan qu'a vertadièrament viscut. Las Memòrias son la seguida de sas Aventuras contadas per son amic, lo brave Dr Watson. Aquelas 12 novèlas foguèron publicadas dins lo jornal The Strand Magazine entre 1892 e 1893. Se tracha de : Luna d'Argent, La Bóstia de carton, La Cara jauna, Lo Comís del burèu de cambi, Lo Gloria Scott, Lo Ritual dels Musgraves, Los gròsses Mainatgièrs de Reigate, L'Òme encrocat, Lo Pacient a domicili, L'Interprèta grèc, Lo Tractat naval e Lo bèl darrièr Problèma.
Sir Arthur Ignatius Conan Doyle (1859-1930) es subretot conegut coma lo creator dels personatges de Sherlock Holmes e del professor Challenger. En mai d'èsser un escrivan prolific, agèt una vida tota plena. Foguèt medecin, jornalista, esportiu, politician, avocat de justícia e se consacrèt a l'esperitualisme. Foguèt anoblit en 1902. Pèire Beziat (nascut en 1954) nos torna presentar una òbra màger de la literatura mondiala.
Ja foguèron editadas ençò de las Edicions deus Regionalismes, sas reviradas de Viatge amb un Ase per Cevenas de R.-L. Stevenson, La Pèsta Escarlata de Jack London e 1984 de George Orwell.