Nare Alpheus Mautjana

Buka ye e hlalosa ka moo boradinyakisiso ba dibopi ba bontshitseng gore re hwetsa dikopani (compounds) ele mehuta ye mebedi eleng tse di bopileng dilo fela (inorganic) tsa tikologo le tse di tswang ka mebeleng ya diphedi (organic). Banyakisisi ba lemogile ka moo dihlophana tsa dibopi eleng di-molecule di gokanang tsa dira diketwane tse ditelele. Ba lemogile gore diketwane tse di swarantsha marapo a mmele le go bopa nama, gape tse dingwe di bopile dimela.
Ka tsebo ye, boradibopi ba kgona go tsweletsa dilo tse dingwe tsa maitirelo bjalo ka di-plastic. Dinyakisiso di bontsha gape gore naa mmele o kgona bjang go tuba dijo, le go ikgodisa. Nnete ke gore mmele o phela ka di-molecule tseo di bitswang di-protein, matswai, le di-carbohydrate eleng gore "tse di bopilweng ka carbon ye e hakileng metse" ka seGerika. Di-molecule tse, bjalo ka starch le sucrose, ke di-sugar molecule tse di swaraneng ka go latelana.
Dimela di enwa mahlasedi a letsatsi le carbon dioxide ye eleng mo moyeng gammogo le metse ka mmung gomme tsa bopa di-carbohydrate. Dikopano (reactions) tse di diregang ka mmeleng wa sephedi ke tse dintshi go feta tekanyo, gape ke mararankodi. Eupsa di direga ka lenaneo le lebotse, ntle le phiso goba kgatelelo tsa godimo, go thusa sephedi go phetha mesomo ya go fapafapana le go ipsina ka bophelo. Ge o bala buka ye o tla bona bohlale bja go hloka tekanyo bja modimo.