War hent Jada - Album

Iris ha Jada a zo gevellezed. En em glevout a reont e pep kenver ha pep tra a zo boutin etrezo : daoulagad kazh henvel, ur fri ront henvel, plezhennoù hir henvel, ur vedalennig henvel... An draig nemetan a lak kemm etrezo eo liv o c'hroc'hen. Hini Iris a zo ken sklaer hag ar gwez-kasia, tra ma‘z eo hini Jada ken du hag ar c'hakao. En o c'hêriadenn e vez roet meuleudi d'an hini gentan dizehan, tra ma vez graet goap ouzh eben.
Un deiz, aet skuizh gant ar pikadennoù-se, e tiviz Jada mont da gantreal er c'hoad. Spi he deus da gejan eno ouzh " bugale an Noz " hag a denn-hi dezho, hervez a lavar alies-tre mamm-gozh...