Portulan. Itinerari en Orient

Portulan I, aquo's l'encontre apassionat d'un Occidental amb l'Autre, l'Afganistan rufe, amb sa sensualitat, lo rafinament despolhat de sos pobles e de sos desèrts. Portulan II, dempuèi la misèria e los enebriaments de las Indias, de la man d'ailà de las seguretats e de las aparéncias, seguis los camins dels Imalaias, cap a Ladakh, lo Tibet occidentau. Los dos libres, pareguts en 1978 e 1980,testimonian d'una temporada pivelaira, a l'encop present viscut e durada longa de las civilizacions.
Aquesta edicion los recampa. Revista per l'autor, es seguida d'un postfàci amb las criticas que saludèron aquela votz inausida dins las letras d'oc.