Ourika

En aqueste raconte, inspirat per ua istória vertadèra, Claire de Duras que hica en scèna la purmèra eróia negra de la literatura francesa. Tanlèu pareishut en 1823, lo libe qu'avó un succès fulgurant en França e per Europa sancèra, mes que fení per càder dens lo desbromb. Quasi dus sègles mei tard que n'estó enfin tirat e que dispausam adara de mantua edicion francesa. Lo gran public que torna doncas aver accès ad aqueth recit qui tant esmavó a Chateaubriand e qui, en har compatir lo legedor au sort de la joena eróia, e lamia a partatjar las conviccions de l'autora, a saber que tots los èstes umans e son egaus e que lo comèrci e l'esclavatge deus negres e deven estar condemnats e abolits, çó qui èra luenh d'estar ua evidéncia quan pareishó lo roman de Claire de Duras.