Morte d'un ghjustu
1e édition

Si sbucina a lingua di l'autore da l'anni sessanta à u novanta. D'una parte, un debbitu di sangue da scioglie cù u sangue, è da l'altra, a lotta per a ricunniscenza di i diritti d'un populu. In core à l'azzione, camerà in pettu, à mezu à u vespaghjine di l'omi, l'autore mette in scena dui eroi, dui cugini, dui chjassi à cima in sù, à cima in ghjò. Cù una lingua stilittata, à u più prufondu di e strappature isulane, ci invita à crede ch'ella puderebbe esiste in Corsica una stonda di vita prima di a notte.
Sott'à l'impinellate inaspittate d'una figura di a lotta, s'affacca a literatura è torna à inventà a vita. Un soffiu chì chjama e memorie à cunghjurà a sorte per ramintà u dirittu di campà.