Lo viatge alambicant dau professor Grosdenas - Poche

Lo jutge Babós que la conducha de l'interrogatòri inquieta se bèu un grand veire de limonada. Aproficha de la passadeta per faire un promier ponch. A dire lo verai, l'afaire li agrada de mens en mens. A l'evidéncia Grosdenàs es pas un criminau ordinàri, encara mens un terrorista ! Lo rapòrt de l'oficier de polícia s'avera fòrça exagerat. Se seguissi sei conclusions lo procès mancarà pas de faire lei gros titres de la pressa, de susqcitar de peticions e perquè pas d'interpellacions a l'Assemblada nacionala ! Malur que lo petachós de Procuraire ague cregut necite de cridar au trebolitge, a l'associacion de maufatans e d'amodar la maquina judiciària.