Fitiavana tanindrazana fozaorana. Traduction en malgache de "Amour, patrie et soupe de crabes"

" Raha tsy feo io kianja io, dia sanatria ny tanàna tangorongoron-trano misy varotra fa tsy misy takalo, olona miara-monina fa tsy miray bina na aina. Fanantenana mihoatra ny rehetra izy amiko : io no anton'izao rehetra izao, fiarahana mahatsapa fa tompon'ny hoavy isika rehetra, satria ny razana iombonana tsy ampy iaraha- miaina. Nampanjavonina ilay kianja, norakofana vato dia nasiana dobo misy irony fantsitsy mitifitifi-drano irony, ravahina jiro maroloko.
Dia noraràna fefy vy. Ketoka sy rapaka sisa manodidina. " Misy an'izy telo nataoko hitolona eo. Nefa tena tsy fanalolahy na fanalovavy an-tantara izireto, tsy manaraka ny lalana nosoritina ho azireo mihitsy. I Hery, ilay zazalahy 4-mi te hikidoba ao amin'ilay dobo, angamba no mba azo hianteherana. Iza no hanampy azy amin'izany ? Asa raha renareo ny hikany te-hampitresaka ny lanitra sy ny tany. Rehefa renareo dia efa hirodana izay ny manda mampisaraka antsika.