Enez-Vriad. Un damsell istorel

Hervez ar mennozh boutin ez eo un enezenn ur c'horreenn en he fart hec'h-unan, bevennet strizh, ha serret warni hec'h-unan ivez. Hogen daoust hag-en n'eo ket ivez kement enezenn a zo un tiriad digor ? Digor-bras d'ar seizh avel ha da froudennoù ar mor, evel-just, met ivez da holl stokadoù an istor ? An istor, just a-walc'h, hini Enez-Vriad hag an dud a vevas enni, sed an danvez en deus pleustret Herve Gouedard warnan evit sevel ar studiadenn-man, a c'hellor lenn enni berzh-diverzh Briadiz adal ar mareoù koshan tre betek treuzoù ar XXIvet kantved.