Ar c'hourenez

Danevell ar gortoz eo da vat "Ar c'hourenez" ; kontan a ra devezh ur paotr, anvet Simon, o c'hortoz e garedig Irmgard e-tal ar mor, e Bro-Gwenrann. Dre m'eman pell ar plac'h karet, ha ma ne oar ket Simon hag-en e teuy zoken, ne chom anezhi nemet ur skeudenn chench-dichench, hervez red ar faltazi hag an envorennoù spis pe spisoc'h. Tra ma tihun en daneveller tro-ha-tro c'hoant hag enkrez, ez eer don en e santimantoù gwirion, pell diouzh pep romantelezh.
Blaz an hiraezh, ar c'herse, an anken, ar vlizoni, an enoe, a zo gant ar mare- se, a denn da aergelc'h ar vro hanter dilezet, o voredin goude klod ha gouloù an hanv.