Mafokodi a pelo

Ge mongwadi a bolela ka mafokodi a pelo, ga a bolele feela ka bothata bja pelo e fokolang e hlokang hlahlobo ya bongaka, eupsa ditaba tsa moya le tsa maikutlo. Gobane ke a tseba gore ka dinako tse dingwe ge batho ba itshwere gampe ga se ka mehla e lego gobane ba le babe goba ba nyaka go tuma. Ke mokgwa wa go kgopela thuso. Gobane ga o tsebe bohloko bjoo motho a bo kwago ka gare ga pelo goba mahloko a a kwang.
Ga o bone gore naa ba hlonama gakae, mme lebaka la gore ba ipeya molato ka dilo tseo ba bego ba sena taolo go tsona. Bjale ka lehu la baratiwa ba bona, bjalo- bjalo. Ka moo, nakong e tlago ge o bona batho ba bjalo, ba thuse ka mo o ka kgonang. Bohle re kwa bohloko mme re bontsha ka moo re ikwago ka tsela tse fapaneng. Ba bangwe ba ikuta ka gare go fihlela ba phatloga. Ba bangwe ba ya lefelong la boitshirollo goba ba botsa motho o mongwe le o mongwe yo ba mo tsebang.
Bophelo bjo, ga bo bonolo go motho o mongwe le o mongwe, o ka kgetha go thusa motho goba o ka kgetha go bolela gampe ka bona. Ke tseba batho ba nang le kgatelelo ya maikutlo goba monagano, ba itshegang go ikwesa bohloko goba ba nwe dipidisi go fetisa tekano. Ga go yo a ka tsebang bohloko bja motho o mongwe ka pelong gobane ba bangwe ba dula ba myemyela. Ba leka go khuta ka myemyelo le maaka a gore "Ke phetse gabotse blah, blah, blah ." A re rataneng! Modimo o re rata ka moka, "O lokile go bohle, o na le lerato go tsohle tseo a di bopileng."(Dipisalome 145: 9)