Hákarlar um borð

Bert Wolff læknir er fullur tilhlökkunar að hefja nýtt starf á hinu glæsilega skemmtiferðaskipi, Fidelitas. Fljótlega eftir að skipið skríður úr höfn kemst hann í kynni við hina dularfullu Evu Bertram, og við það byrja óvæntar tilfinningar að bærast í brjósti hans. Þrátt fyrir að starf læknisins sé rólegt í byrjun ferðar er Wolff grunlaus um skelfinguna sem bíður á næsta leiti. Um borð eru verðmæti sem nema mörgum milljörðum dala og á meðal farþega eru fjórir kaldrifjaðir glæpamenn sem ásælast þau.
Er leikurinn berst af skipinu inn í eyðimörkina upplifir Wolff sig í aðstæðum sem hann hefði aldrei órað fyrir að geta lent í. Heinz G. Konsalik (1921-1999) var þýskur rithöfundur. Hann skrifaði vel á annað hundrað skáldsagna á ferli sínum sem nutu mikilla vinsælda og voru þýddar á fjölmörg tungumál. Áður en Konsalik lagði stund á skáldskap, starfaði hann sem fréttaritari í seinni heimsstyrjöldinni og varð sú reynsla honum mikill innblástur við bókaskrifin.
Nafn Konsalik varð fyrst þekkt þegar bókin "Der Artz von Stalingrad" kom út árið 1956 en seinna var kvikmynd byggð á sögunni. Nú hefur fjöldi kvikmynda verið framleiddur eftir sögum hans.