Gurra Grís - Óþekka skjaldbakan og aðrar sögur

Enn skemmtir Gurra grís okkur með skemmtilegum sögum. Hún fer í lestarferð, byggir hús, fer í Rebbabúð og hjálpar skjaldböku niður úr tré svo fátt eitt sé nefnt. Við sögu koma meðal annars úlfafjölskylda, fljúgandi dýralæknir, herra Refur og að sjálfsögðu Skjöldur skjaldbaka. Þetta eru auðlesnar og spaugilegar sögur sem bæði börn og fullorðnir geta haft gaman af. © Hasbro. All rights reserved. Við lendum í spennandi ævintýrum með Gurru grís, Georg, mömmu, pabba, Siggu sebrahesti, Kötu kind, Kristjönu kanínu og mörgum fleiri! Förum í Gurrusirkus, útileiki, körfubolta og bátsferðir og búum okkur undir að hoppa í drullupollum með uppáhaldsgrísastelpunni okkar! Oink! Oink! Það voru Neville Astley og Mark Baker sem bjuggu til hinn dásamlega heim með Gurru grís.
Síðan þættirnir voru fyrst sýndir á Nickelodeon sjónvarpsstöðinni árið 2004 hefur Gurra ferðast til meira en 180 landa. Einnig hafa verið búin til leikföng og fatnaður með myndum af henni, gefnar út bækur og rúmlega 330 sjónvarpsþættir framleiddir. Gurra er indæl fjögurra ára grísastelpa sem býr hjá mömmu sinni og pabba og litla bróður sínum Georg. Gurru finnst gaman að passa Georg litla bróður sinn og lenda í ævintýrum með honum.
Með henni í för er litli, sæti bangsinn hennar. Auk þess finnst Gurru gaman að leika við bestu vinkonu sína Kötu kind, heimsækja afa og ömmu og fá heimabakaða súkkulaðiköku og skrifast á við frönsku pennavinkonuna sína. En skemmtilegast af öllu finnst Gurru að hoppa í drullupollum og hlæja og skríkja.