Bréf til tígrisdýrsins

Sagan um það hvernig litli björninn og litla tígrisdýrið finna upp póstþjónustuna, flugpóstinn og símann. Þegar litli björn veiðir fisk við ána situr litla tígrisdýrið heima og er mjög leiður. Þá biður litla tígrisdýrið litla björninn að skrifa sér bréf. Og þar með fer allt á flug; vinirnir tveir finna upp bréfapóst, flugpóst og líka símann með jarðstrengjatengingu. Janosch fæddist í Zabrze í Póllandi árið 1931.
Hann hefur skrifað yfir 100 barnabækur, myndabækur og hefur skapað fjölda af sögum og persónum - og er stoltur faðir litla tígrisdýrsins, litla bjarnarins og allra vina þeirra. Hann hlaut þýsku unglingabókmenntaverðlaunin fyrir bók sína "Ferðin til Panama".