" Solèy té pou komans bril mon bann zou é mwin la santi gout transpirasyon antrinn antas dann mon soursil. Té lo minm solèy lo zour ma lavé antèr monmon é, konm lo zour-la, té lo fron sirtou té fé mal amwin épi tout mon bann vèn té bat ansanm sou la po. Akoz so brilir mi té nyabou pi siporté, ma la fé in mouvman si lavan. Mi koné té bèt, té pa avans in pa noré fé shap amwin dann tramay solèy. Mé ma la fé in pa, riyink in pa an avan.
E so fwa-si, san drès ali, lo Zarab la tir son kouto ké li la amont amwin dann solèy. La limyèr la sirvok si lasyé é té konm in gran lam dofé té koup mon fron. "