Matthías Harðarson

Lífið getur breyst á einu andartaki. En hvað verður um fjölskyldu og hjónaband þegar mest á reynir? Danielle Steel leiðir okkur í allan sannleikann um það. Alexandra Parker er með marga bolta á lofti. Hún starfar á virtri lögmannsstofu í New York, er gift og á þriggja ára barn. En þegar hún fær óvæntar fréttir um heilsuna skekur það stoðir hjónabandsins. Sam, maðurinn hennar, vinnur á Wall Street og á erfitt með að takast á við veikindi konu sinnar.
Allt verður þetta til þess að þau fjarlægjast hvert annað og þegar annað áfall skellur á sem skilur þau enn meira að verður Alexandra að ákveða hvort hjónabandið sé þess virði að bjarga - og þá hvernig. Danielle Steel er mest seldi lifandi höfundur heims og hefur ritað yfir 200 bækur, þar með taldar skáldsögur, barnabækur, óskáldað efni, ljóðasafn og texta fyrir tónlist. Verk hennar hafa samtals selst í meira en milljarði eintaka um allan heim og hefur hvert þeirra komist á metsölulista á heimsvísu, þar með talið hjá New York Times, Wall Street Journal og The Sunday Times.
Franska ríkisstjórnin veitti henni heiðursnafnbótina "Officier" við reglu lista og bókmennta árið 2002 og "Chevalier" við regluna "Legion d'Honneur" árið 2014. Á milli skrifa stundar Steel mannúðarstarfsemi af miklum hug og býr til skiptis í París og San Francisco. Danielle Steel er níu barna móðir.