Imbèrt de Salas - Aparaire de Montsegur

Après las doas Crosadas contra los Albigeses, la dels barons (1209-1215) e la del rei de França (1226-1229), Ramond Trencabèl, tornant de Catalonha l'estiu de 1240, entrepren la reconquista de sas possessions, sostengut per la pichona noblessa de Corbièiras, Menerbés e Lauragués. Pichon noble de Salas en Albigés, Imbèrt de Salas, participa a la revolta. Faidit, se convertis a la fe dels bons omes, que, per eles, Montsegur es lo darrièr recapte.
A per fonction de guidar e d'escortar los cresents que i màntan, per consultar los pus egrègis d'entre eles, e se'n tornan. En 1242, fa partida del comando que davala a Avinhonet per i matar los enquesidors. Defensor de Montsegur coma sergent d'armas, de mai de 1243 a la redicion del castel lo 16 de març de 1244, es questionat longament pels enquesidors, e nos daissa aital un testimoniatge capital sul sètge.